Nhar faddit mouch normal, 9olt hayya nimchi na3mil doura, 5rajt min biti 3malt talla 3al coujina, 7allit beb lifrigider, mafih mayetchef, 7allit ittele, mafiha mayetchef, 5rajt mil coujina, wena mich na5taf douret essalle de bain, nil9a bourri yetsakka3 fijjiha lo5ra, ya3mil fi mourabba3, 5ater bourri yba55ar bri7et eddoura. Ama wejhou mouch 3ajibni, chbik ya bourri, 9alli michkla, wallahi michklaaaa michkla. chnia el michkla elli m7ayyra bourri?!?!
3LECH EL KALB, KI YEBDA MAKLOUB, N9OULOU ILLI HOUWWA MAKLOUB!!!
Ti estanna 3ad ye5i ena fibelik kabtit la7keya millawwel?!
Tawwa bil francais, on dit un chien enrage. Houa liklabb c sur awwel ma dhhorr 3anna, ama houma iktachfouh 9balna, 5ater a7na liklabb 3andna 7ala 3adiyya, ma3anna 3lech niktachfou fih.
Ama il mochkla, taw el klabb ynajjem yji lil 9tatis, donc logiquement, mannajmouch n9oulou 9a66ouss makloub!! matirkibch. Dans ce cas n9oulou bil3arbi, 9a66ous ma96ous. El mochkla elli 7ayyritna ena w bourri, fi 5itham hetha al 7iwar echayye9, wa7na na3mlou fi mourabba3 fi roubou3 al manzil(s+1), hia kif de2 el kalabb 3afena wa 3afekom allah, yousib al insen, lezimna n9oulou, insen inseni. Or al inseniya 7aja most7abba. Puiske l'homme est le maitre de la planete donc par analogie, liklabb dhorr 7aja behia. Ma3netha kif yebda 3andik sa7bik walla sa7ibtik, 3andou kalb, w ye3jbik el habhoub, t9oullou ma7leh kalbik yo9tel, makloub mouch normal. Walla flen kalbou makloub 3alli55ir, sa77a lih.
Ki rja3na lil l'origine mte3 liklabb, elli houa mte3na teri5iyyan, wa tha9afiyyan, l9ina elli kilmet klabb normal ki nista3mlouha 3al kalb enrage, 5ater hethika wath3iyyet likleb 3anna. bil3aks a7na el kalb elli yebda dresse fi bledna, houa elli mouch normal. En plus, 3anna des races jdod kima kleb essou9, w 3anna race unik elli hia el kalb el 7allouf!, welli aghrab minhom lkoll 3ad, el kalba bin kalb. Ma3neha billogik mte3na mayjich kalb bin kalb yelzmou bin ... mana3rafch 3lih yetsarraf. w 3andna zeda la3bed elli kelba 3addenya, welli mich tiklib biss5ana, w mil l'embouteillage.
Fil 7ala hethi, lifransis normalement yesta3mlou la terminologie mte3na fil 7alet hethi. 5ater el 7ala 7aletna ( w 7aletna 7lila), wal kalima al 2a5ira t3oudelna a7na bsifetna hebergeur, w sponsor officiel.
Ce qui veut dire yna77iw 3lina hethi enrage.
twalli par analogique(analogie+logique), kalb makloub ismou chien enchaine, wel klabb ismou enchainement. voila. Sinon rana mich ne5thou maw9if, w mich nikelbou 3lihom. wa man andhara fa9ad a3thar.
